Edhe pse Oriol Romeu është shumë i vlerësuar te Barcelona, klubi katalanas është ende në kërkim të zëvendësuesit ideal të Sergio Busquets. Prej javësh mediat spanjolle shprehen se klubi është në kërkim të një mesfushori që do ta përforcojë më shumë mesfushën.
Ideja e klubit është ajo e gjetjes së një organizatori ideal dhe trajneri Xavi ia ka bërë të qartë klubit idenë e tij. i përzgjedhur nga trajneri Xavi është Martin Zubimendi, mesfushori që luan me Real Societad, që po zhvillon një sezon të mirë.
Edhe në të shkuarën Barcelona ishte interesuar për 24-vjeçarin spanjoll, madje Xavi ia kishte kërkuar këtë lojtar që këtë verë, por pamundësitë financiare bënë që asgjë të mos lëvizë. Sipas Xavi, lojtari është një blerje e rëndësishme për të ardhmen.
Gjithsesi, për Barcelonën nuk ka për të qenë e lehtë kryerja e këtij transferimi, pasi Zubimendi ka një klauzolë prej 60 milionë eurosh për të lëvizur. Real Societad nuk ka ndërmend të heqë dorë nga pretendimet e saj financiare edhe për faktin se lojtari pëlqehet edhe nga Bayern Mynih e Arsenal.
