Bayern Munich pritet të lejojë mbrojtësin anglez Eric Dier të largohet nga klubi si lojtar i lirë në fund të sezonit. Sipas “Sport Bild”, kontrata e 31-vjeçarit, e cila skadon në fund të sezonit, nuk ka gjasa të rinovohet.
Edhe pse Dier bëri përshtypje të mirë me paraqitjet e tij dhe një profesionalizëm që u vlerësua shumë, ai duket se nuk ka të ardhme në “Allianz Arena”. Ai ka humbur hierarkinë te skuadra bavareze.
Mbrojtësit Dayot Upamecano dhe Min-jae Kim kryesojnë renditjen në qendër të mbrojtjes, me Hiroki Ito dhe Josip Stanisic që ofrojnë alternativa kryesore. Kjo do të thotë se anglezi ka shumë pak mundësi për të kontribuar.
Përveç kësaj, Bayern po mendon të afrojë një lojtar më të ri në mbrojtje verën e ardhshme, ndaj Dier pritet të largohet. I ardhur në janar të një viti më parë, Eric Dier ka luajtur deri më tani në 32 ndeshje me Bayern.
