Antonio Cabrini, ish-futbollist i Cremonese, Atalanta, Juventus dhe Bologna, i cili gjithashtu fitoi një Botëror më 1982 me Italinë, foli për “Radio Kiss Kiss Napoli”. Ai u ndal te situata e ekipit napolitan: “Pas një sezoni si ai i kaluar, i cili nuk ishte pozitiv, nuk ishte e lehtë për Conten të merrte drejtimin e Napolit”.
A ka mundësi që ta fitojë sërish titullin, pas asaj që bëri Spalletti?
Është gjithmonë shumë e vështirë, sepse njerëzit presin konfirmim nga viti i kaluar. Mjedisi bëhet kaotik, bëhet e vështirë ta menaxhosh euforinë e një qyteti si Napoli.
Çfarë roli ka Oriali te Napoli?
Ai është një mbështetje themelore për mjedisin dhe ekipin. Lele ka qenë gjithmonë një menaxher i madh, ndoshta duke punuar në prapaskenë, por duke mbajtur marrëdhënie shumë të ngushta mes trajnerit dhe ekipit.