Që nga viti 1989, data 11 korrik festohet si Dita botërore e popullsisë e cila ka për qëllim rritjen e ndërgjegjësimit për çështjet të cilat prekin popullsinë e botës
Me iniciativën e demografit në Bankën Botërore, K. C. Zaharia, Këshilli drejtues i programit të Kombeve të Bashkuara për Zhvillim (UNDP) shpall 11 korrikun si Ditën botërore të popullsisë. Në këtë ditë të vitit 1987, popullsia e botës arriti në pesë miliardë.
Sipas të dhënave statistikore, në nëntor 2022, popullsia e botës arriti numrin në tetë miliardë njerëz.
Dita botërore e popullsisë ka për qëllim të tërheq vëmendjen ndaj disa problemeve demografike me të cilat përballen vendet në mbarë botën. Objektivat kryesore përfshijnë:
“Rritjen e ndërgjegjësimit: informimi i publikut për çështje të tilla siç është shëndeti seksual, të drejtat e grave dhe vajzave, arsimi, varfëria, zhvillimi i qëndrueshëm dhe mbrojtja e mjedisit jetësor.
“Promovimi i barazisë gjinore: rritja e ndërgjegjësimit për nevojën për të drejta dhe mundësi të barabarta për gratë dhe vajzat në të gjitha aspektet e jetës.
“Mbështetje për iniciativat shëndetësore: duke theksuar rëndësinë e qasjes në mbrojtjen shëndetësore.
“Zhvillim i qëndrueshëm: inkurajimi i praktikave dhe politikave të qëndrueshme të cilat do të mundësojnë rritje të barabartë të popullsisë dhe mbrojtjen e burimeve natyrore.
