Inteligjenca artificiale do të ndihmojë në parashikimet e motit. Një sistem i zhvilluar nga Google, Deep Mind, duke shfrytëzuar IA, ka arritur të parashikojë më me saktësi në krahasim me modelet e përdorura aktualisht ne 90% të rasteve. Gjithashtu ka rezultuar i suksesshëm edhe në parashikimet e motit ekstrem, si ciklone tropikale apo temperaturë anormale, gjë që i jep mjaft përparësi.
Rezultati është publikuar në revistën shkencore Science, por autorët shpjegojnë se sistemi i ri, i quajtur Graph Cast nuk do të zëvendësojë metodat tradicionale të parashikimit të motit, por do të punojë paralelisht me to. Metoda e re, përveç saktësisë, është edhe me e shpejtë dhe parashikon në kohë më të ngushtë, është në gjende të parashikojë motin për 10 ditët e ardhshme brenda 1 minute.
