Ka shkuar në më shumë se 300,000 numri i njerëzve që kanë kaluar nga Gaza jugore në veri, teksa Kombet e Bashkuara paralajmërojnë se nevojat në terren mbeten të jashtëzakonshme.
Pas 15 muajsh lufte, qindra mijëra palestinezë po kthehen në veri të Gazës si pjesë e një armëpushimi midis Izraelit dhe Hamasit, raportoi të martën “Al Jazeera”.
Nga mëngjesi i së hënës, palestinezët e zhvendosur filluan të nisen drejt veriut në këmbë përmes korridorit Netzarim të krijuar nga Izraeli.
Ushtria izraelite ka thënë se do t’i lejojë palestinezët të kalojnë përmes rrugës bregdetare al-Rashid në këmbë duke filluar nga ora 7 e mëngjesit dhe në rrugën qendrore Salah al-Din me automjet nga ora 9 e mëngjesit.
“Do të filloj të rindërtoj shtëpinë time tullë më tullë, mur pas muri”, tha për “Al Jazeeran” një palestinez i zhvendosur me forcë.