Ministri i Punëve të Brendshme Pançe Toshkovski sot mori pjesë në poligonin e stërvitjes Pepelishte në promovimin e 43 automjeteve transporti special të konvertuara për shuarjen e zjarreve dhe një prezantim të fuqisë së tyre zjarrfikëse që do të përdoret në shuarjen e zjarreve, njoftoi Ministria e Punëve të Brendshme
“Maqedonia bëhet me ‘Njësinë e parë intervenuese të Maqedonisë’ prej 43 automjetesh transporti special për përballimin me zjarre. Bëhet fjalë për 18 automjete të fuqishme të personalizuara Pinzgauer për terrene të vështira (priten edhe pesë të tjera) me tanke 1.500 litra, 15 transportues të blinduar personeli BTR 80 të personalizuar me tanke 6-tonëshe dhe 5 transportues të blinduar Hermelin me tanke tërheqëse 2, 4, 6 dhe 8-tonëshe. Të gjitha 43 automjetet speciale janë të pajisura ose janë në proces të pajisjes me pompa të fuqishme uji me një rreze veprimi prej 25 deri në 100 metra”, theksoi ministri Toshkovski.
Automjetet iu dorëzuan Drejtorisë për Mbrojtje dhe Shpëtim dhe u morën në dorëzim nga Ministria e Punëve të Brendshme dhe institucione të tjera dhe pati mbështetje të jashtëzakonshme në pajisjen e tyre nga kryetari i Komunës Kavadar, Mitko Jançev.
Ripërdorimi i këtyre automjeteve u jep mundësinë atyre që të përmbushin përsëri qëllimin e tyre të synuar, për t’u përdorur në mbrojtjen e Maqedonisë, në këtë rast nga flakët e zjarreve.
