Маск прими награда во Берлин, вели дека наскоро повеќето автомобили ќе возат автономно

29

Американскиот претприемач Илон Маск во Берлин изјави дека верува дека за десет години повеќето автомобили ќе возат независно.

„Ќе станува сè поретко некој да го вози сопствениот автомобил“, рече основачот на производителот на автомобили „Тесла“, Илон Маск, кој денеска беше награден со наградата „Аксел Спрингер“ во Берлин.

Наградата, именувана по основачот на најголемиот германски медиумски концерн, кој објавува весници како „Билд“ или „Велт“, се доделува по петти пат на луѓе кои покажуваат посебно чувство на инвентивност.

Меѓу минатите добитници се основачот на Фејсбук Марк Закерберг, како и сопственикот на платформата Амазон и нејзин основач, Џеф Безос.

Маск во Берлин рече дека не е против соработка со етаблираните производители на автомобили како БМВ или Мерцедес.

„Ако конкурент дојде во Тесла со предлог за соработка, нема да се спротивставиме“, рече Маск.

Тесла моментално ја гради најголемата фабрика во Европа покрај Берлин, која од следната година треба да произведе до половина милион електрични автомобили.

Маск неодамна објави дека треба да се направи и фабрика за батерии за електрични автомобили на истото место.

Тој исто така најави дека кога фабриката ќе започне со производство, ќе поминува повеќе време во Германија.