Бритни Спирс се сврши со 12 години помладото момче: На раката ѝ блесна дијамантски прстен

67

Контроверзната поп-ѕвезда Бритни Спирс (39) објави дека ќе стапи во брак со 12 години помладиот Сем Ашгари (27).

Оваа е трета свршувачка за Бритни. По годините исполнети со скандали и проблеми за поп-принцезата, се чини дека конечно доаѓа периодот во кој таа целосно ќе биде среќна.

Свршувачката доаѓа неколку дена откако таткото на Бритни, Џејми Спирс, одлучи да се откаже од старателството над својата ќерка, кое траеше 13 години.

Бритни и Сем ја објавија среќната вест на Инстаграм, а пејачката се пофали со огромниот дијамантски прстен:

„Едноставно не можам да верувам“, напиша пејачката под објавата.

Бритни и Сем се во врска од 2016 година, а се запознаа кога тој глумеше во нејзиниот спот за песната „Slumber Party“.

И Сем ја објави веста за свршувачката со славната пејачка на својот инстаграм-профил. Тој објави фотографија на која среќниот пар се бакнува, но во фокусот е свршеничкиот прстен.