E diel, 9 Shkurt, 2025
-3.2 C
Skopje

Në tetor janë dhënë 325 leje për ndërtim

Sipas të dhënave të Entit Shtetëror të Statistikës (ESHS), gjatë muajit tetor të vitit 2023 janë dhënë 325 leje ndërtimi që është për 12.9 % më pak se në muajin e njëjtë të vitit paraprak.

Sipas lejeve të dhëna për ndërtim, vlera e paraparë e objekteve është 7 539 575 mijë denarë, që është për 47.7 % më pak krahasuar me muajin e njëjtë të vitit paraprak.

Vlera e zvogëluar është për shkak të miratimit të lëshuar për ndërtimin e hekurudhës Beljakovc – Kriva Pallankë në të njëjtin muaj të vitit paraprak.

Nga numri i përgjithshëm i numrit të lejeve të dhëna për ndërtim 187 (57.5 %) janë të dedikuara për objektet e ndërtimit të lartë, 80 (24.6 %) për objektet e ndërtimit të ulët dhe 58 (17.8 %) objektet për rikonstruim. Nga gjithsej 325 objekte, te 175 (53.9 %) si investitorë paraqiten persona fizik, ndërsa tek 150 (46.1 %) objekte si investitorë janë subjektet afariste.

Në periudhën raportuese është paraparë ndërtimi i 790 banesave, me sipërfaqe të përgjithshme prej 71 091 m2.

Abonohu

Për t'u përditësuar me të gjitha lajmet e fundit, ofertat dhe njoftimet speciale.

Artikuj të ngjajshëm