Rapper-i shqiptar Noizy (Rigels Rajku – ed.) u është vetëdorëzuar të martën e 5 nëntorit autoriteteve lizgjbatuese në Republikën e Kosovës, pasi ishte shpallur në kërkim nga policia prej muajit gusht.
Lajmi është konfirmuar për portalin “Express”, nga zëdhënësi i Prokurorisë Themelore në Pejë, Shkodran Nikçi.
“Reperi Noizy pak më parë është paraqitur në stacionin policor, me ç’rast më pas do të intervistohet nga hetuesit policor, e me vendim të prokurorit të shtetit do të ndalohet për 48 orë”, konfirmoi zyrtari.
Gjithashtu edhe rapper-i tjetër shqiptar, Stresi u vetëdorëzua në Policinë e Pejës më 1 nëntor, për t’u liruar me kusht një ditë më pas.
Noizy kërkohet për veprën penale lëndim i rëndë trupor.
Ai dhe individë të tjerë dyshohen se rrahën brutalisht dy persona (mes tyre edhe personazhin e TikTok-ut Medi Iseni) në një diskotekë në Pejë.
Gjithashtu, autoritetet kosovare kishin shpallur në kërkim edhe një person tjetër.
