Mauricio Pochettino, trajneri i Chelsea, foli në një konferencë për shtyp para ndeshjes së “blues” kundër Newcastle në Premier League:
“Nuk kam asgjë për t’u ankuar. Ne e kuptojmë situatën dhe zhgënjimin e tifozëve në mënyrë të përsosur. Ne duhet ta pranojmë atë dhe të përpiqemi të përmirësojmë mënyrën se si luajmë. Duke ndryshuar lojën ndryshojnë edhe rezultatet. Ne kemi nevojë për tifozët tanë, shpresojmë që ata të jenë me ne të hënën. Nëse do të isha një tifoz, do të sillesha në të njëjtën mënyrë, me zhgënjim. Ne jemi Chelsea dhe nuk po luajmë sipas pritshmërive. Kjo është arsyeja pse ne e pranojmë reagimin e tyre”, tha Pochettino.
“Ne i njohim shumë mirë lojtarët e akademisë. Ndoshta ata do të kenë mundësinë të përfshihen. Ne kemi talente të jashtëzakonshme dhe duhet t’i shfrytëzojmë në këto rrethana. Nuk kemi kurrë një skuadër të plotë. Është zhgënjyese”, u shpreh trajneri argjentinas.
“Situata nuk na lejon kurrë të punojmë me skuadrën e plotë. Jemi të pafat. Po vuajmë këtë lloj negativiteti për sa i përket lëndimeve, por duhet ta pranojmë. Duhet të vazhdojmë të punojmë”, tha më tej Pochettino. “Një vend në Europë sezonin tjetër? Unë besoj se mund ta bëjmë. Ne ishim atje duke luftuar për trofeun e parë. Ne e merituam plotësisht ndeshjen pas 90 minutave. U kërkoj fansave që të besojnë tek ne. Pritshmëritë nuk përputhen me realitetin. Ky është problemi me ndjenjat e këqija. Në Chelsea pritet të fitojmë tituj”, tha Pochettino.
