E martë, 25 Mars, 2025
13.8 C
Skopje

Roma ofron para dhe një lojtar për transferimin e Frattesit

Davide Frattesi pritet të largohet nga Interi gjatë afatit kalimtar të janarit, megjithatë ai nuk do të largohet nga Serie A.

Mesfushori italian pritet të rikthehet te Roma, skuadër ku e nisi karrierën dhe qëndroi në Akademinë e kësaj skuadre nga viti 2014 deri më 2017.

Roma tani dëshiron rikthimin e lojtarit dhe kanë filluar tanimë diskutimet me drejtuesit e Interit për transferimin e mesfushorit.

Giallorosët kanë bërë hapa para, duke ofruar 30 milionë euro për mesfushorin si dhe shërbimet e Bryan Cristantes.

Calciomercato ka raportuar se Interi është duke e studiuar këtë ofertë dhe është mëse e mundur ta pranojë atë.

Frattesi ka oferta edhe nga Anglia, por dëshira e tij e vetme është të rikthehet në Olimpico.

25-vjeçari këtë edicion ka zhvilluar 22 ndeshje, teksa ka shënuar tre gola e ka asistuar në një tjetër.

Abonohu

Për t'u përditësuar me të gjitha lajmet e fundit, ofertat dhe njoftimet speciale.

Artikuj të ngjajshëm