Shqipëria ka përjetuar rritje të ndjeshme të turizmit gjatë viteve të fundit. Sipas shifrave, vendi mirëpriti 7.5 milionë turistë ndërkombëtarë në vitin 2022, që u rrit me rreth 30 për qind në 10.1 milionë në vitin 2023. Shqipëria është bërë e njohur në Evropë, pasi shumë linja ajrore dhe operatorë turistikë e kanë shtuar atë në programet e tyre të udhëtimit
Shqipëria e para në renditje sa i përket rritjes së numrit të turistëve në vitin 2024. Të paktën kështu ka bërë me dije Organizata Botërore e Turizmit (OBT). Lajmi është shpërndarë në media sociale nga kryeministri Edi Rama. “Mirëmëngjes dhe me këtë tabelë, që s’është imja, s’është jona, po e UN Tourism, organizata më e madhe botërore e turizmit, anëtarë të së cilës janë krejt shtetet e OKB, e të dhënat e së cilës janë botërisht të respektuara; me Shqipërinë që zë vendin që shihni si destinacioni me rritjen më të madhe të numrit të turistëve për vitin 2024, një zhvillim i paimagjinueshëm deri disa vite më parë, ju uroj një ditë të mbarë”, shkruan kreu i qeverisë. Pas një viti rekord për turizmin, ku Shqipëria u vizitua nga mbi 10.7 milionë turistë, synimi për vitin 2025 është edhe më ambicioz: 12 milionë vizitorë.
Kjo shifër tregon rritjen e vazhdueshme të interesit për vendin si një destinacion turistik, falë investimeve në infrastrukturë, promovimit të Shqipërisë jashtë vendit dhe shtimit të linjave ajrore.
Ambicia u shpalos nga kryeministri i vendit, Edi Rama nga Berlini, ku ndodhet në panairin e turizmit ITB. Atje, Shqipëria mban Vendin e Nderit për vitin 2025, nën sloganin “Albania All Senses”. Sivjet po shtojmë dhe 3 partnerë të tjerë ajrorë, të cilët i kemi të konfirmuar, – tha ajo, duke shtuar se, – kemi dhe 3 destinacione të reja të konfirmuara”, tha Rama. Në vitin 2024, turizmi pothuajse është kthyer në nivelet para pandemisë, me 1.4 miliardë turistë që udhëtojnë në mbarë botën. Evropa vazhdon të jetë rajoni më i popullarizuar në mesin e udhëtarëve, duke pritur 747 milionë ardhje ndërkombëtare, siç raportohet nga barometri i OKB-së. Veçanërisht turizmi shqiptar ka shënuar një rritje të dukshme prej 80 për qind krahasuar me vitin 2019, duke tërhequr një numër në rritje të udhëtarëve të huaj.
Shqipëria ka përjetuar rritje të ndjeshme të turizmit gjatë viteve të fundit. Sipas shifrave, vendi mirëpriti 7.5 milionë turistë ndërkombëtarë në vitin 2022, që u rrit me rreth 30 për qind në 10.1 milionë në vitin 2023. Shqipëria është bërë e njohur në Evropë, pasi shumë linja ajrore dhe operatorë turistikë e kanë shtuar atë në programet e tyre të udhëtimit.
Vendi konsiderohet një alternativë e përballueshme për destinacionet e njohura të udhëtimit si Greqia. Ajo ofron atraksione të ndryshme, nga plazhet piktoreske të Ksamilit deri te vendet kulturore në Parkun Kombëtar të Butrintit. Alpet veriore shqiptare ofrojnë mundësi për ecje aventureske, ndërsa kryeqyteti, Tirana, befason vizitorët me përzierjen e arkitekturës së epokës komuniste dhe elementeve moderne. Kjo rritje e turizmit shqiptar ka sjellë përfitime të konsiderueshme ekonomike për vendin. Barometri raporton se rritja ekonomike prej pesë për qind e vendit në vitin 2022 është e lidhur ngushtë me të ardhurat e konsiderueshme nga sektori i turizmit. Rritja shpesh sjell sfida.
Ekspertët vënë në dukje disa çështje për zhvillimin e mëtejshëm të turizmit shqiptar, duke përfshirë rrugët e dobëta në zonat e thella, mungesën e lidhjeve hekurudhore dhe problemet mjedisore që rrjedhin nga turizmi masiv. Mbiturizmi, në veçanti, është bërë një çështje e përhapur në shumë vende gjatë vitit të kaluar, duke ngritur shqetësime për ruajtjen e natyrës në Shqipëri.
