NATO mund t’i kishte dhënë më shumë mbështetje ushtarake Ukrainës, për të parandaluar pushtimin rus të vitit 2022, tha Sekretari i Përgjithshëm i NATO-s në largim, Jens Stoltenberg, në një intervistë për botimin gjerman “Fas”.
“Tani ne po ofrojmë mjete ushtarake për luftë, por mund t’i kishim siguruar ato për të parandaluar konfliktin,” tha Stoltenberg, duke shtuar se “ngurrimi” i aleatëve për të plotësuar kërkesat e Ukrainës përpara pushtimit rus ishte për shkak të frikës së përshkallëzimit.
“Për t’i dhënë fund kësaj lufte do të duhet të ketë një dialog me Rusinë në një moment. Por ajo duhet ta shohë Ukrainën në një pozicion të fortë”, shtoi zyrtari norvegjez.
