Kurse intensive verore falas për gjuhë angleze dhe informatike do të mbahen gjatë korrikut dhe gushtit, të dedikuara për nxënës nga kategoritë e rrezikuara sociale, të cilat do të organizohen në grupe sipas nivelit të njohurive të tyre – nga fillestar deri në të avancuar.
Siç kumtoi Agjencia kombëtare për programe arsimore evropiane dhe mobilitet, kurset do të mbahen në kuadër të nismës “Hidh një hap” dhe do të zbatohen përmes rrjetit eTvining “Gjuha dhe teknologjia në shërbim të një projekti cilësor eTvining”.
“Në realizimin do të përfshihen mësues të gjuhës angleze dhe informatikës, të cilët do të punojnë sipas programeve të personalizuara dhe do të përdorin materiale të specializuara për mësim të përshpejtuar. Përmes kësaj nisme, Agjencia Kombëtare do të ofrojë trajnime falas për 600 fëmijë nga kategoritë e rrezikuara, duke inkurajuar zhvillimin e aftësive të tyre gjuhësore dhe të TIK-ut përmes mundësive moderne dhe të arritshme arsimore. Kjo nismë është e rëndësishme sepse përfaqëson një shembull të qartë se si arsimi mund të jetë një mjet i fuqishëm për përfshirje, duke ofruar mundësi të barabarta për të gjithë fëmijët, pavarësisht nga prapavia e tyre sociale ose ekonomike, kumtoi Agjencia.
Thekson se qëllimet e nismës janë shumëplanëshe: të përmirësojë aftësitë gjuhësore dhe digjitale të studentëve; të inkurajojë vetëbesimin dhe motivimin tek të rinjtë; të promovojë të mësuarin bazuar në projekte; të krijojë një bazë për pjesëmarrje të mëtejshme në projektet arsimore evropiane dhe të ndërtojë praktika të qëndrueshme lokale që do t’i mbështesin nxënësit edhe pas përfundimit të kurseve.
“Duke aplikuar metoda inovative, mësues të angazhuar dhe partneritete të vlefshme, ky program përfaqëson një hap të vërtetë përpara drejt një arsimi më gjithëpërfshirës, me cilësi më të lartë dhe të orientuar drejt Evropës në Republikën e Maqedonisë së Veriut”, thuhet në njoftimin për shtyp të Agjencisë Kombëtare për Programe Arsimore Evropiane dhe Mobilitet.
“Me zbatimin e metodave inovative, mësues të angazhaur dhe partneritete të vlefshme, ky program përfaqëson një hap të vërtetë përpara drejt një arsimi më gjithëpërfshirës, me cilësi më të lartë dhe të orientuar evropiane në Republikën e Maqedonisë së Veriut”, theksohet në kumtesën e Agjencisë kombëtare për programe arsimore evropiane dhe mobilitet.
