“Nuk jam me nxitim, por do të doja një projekt serioz, ku të më thonë: Ke katër vjet për të punuar dhe për të zhvilluar një ide. Do të doja të isha trajner në Premier League, atje ka një pasion të vërtetë për futbollin. Megjithatë, në Spanjë ka rëndësi vetëm rezultati“, tha Xavi.
Trajneri spanjoll nënvizoi se sa e vështirë është të përballosh presionin në shtëpi, veçanërisht në vende si Barcelona apo Madridi. “Vetëm shikoni se çfarë ndodh me Ancelotti, i kritikuar pavarësisht se ka fituar 30 tituj në dhjetë vjet. Siç tha Valverde: nëse e kritikojnë atë, çfarë shprese kemi ne të tjerët?“, deklaroi ai.
Gjithsesi, Xavi nuk përjashton një punë si trajner i një ekipi kombëtar në të ardhmen: “Do të doja të isha trajner i një ekipi kombëtar. Kur ëndërroja të bëhesha trajner, imagjinoja të fitoja një Botëror apo një kampionat evropian. Pse jot ë drejtoj Spanjën, por nuk kam obsesione. Tani për tani jam mirë kështu, shikoj shumë futboll dhe jam me familjen time”.
