“Marrëveshja,” tha udhëheqësi i Kievit, siç raportohet nga RBC Ukraine, “ishte gati në nivel ministror. Por unë jam president dhe do të kem ndikim në cilësinë e këtij dokumenti. Dhe kjo është arsyeja pse nuk i lashë ministrat të nënshkruajnë marrëveshjen, sepse nuk është gati, sipas mendimit tim. Nuk është ende gati të mbrojë interesat tona”, tha ai.
Donald Trump u shpreh disa ditë më parë se dëshiron të negociojë një “marrëveshje” me Ukrainën, në mënyrë që Kievi të ofrojë një “garanci” për tokat e tij të rralla, mineralet e përdorura gjerësisht në elektronikë, në këmbim të ndihmës së SHBA.
“Ne po përpiqemi të gjejmë një marrëveshje me Ukrainën ku ata mund të ofrojnë si kolateral tokat e tyre të rralla dhe gjëra të tjera në këmbim të asaj që ne u japim atyre”, u tha presidenti amerikan gazetarëve në Zyrën Ovale, duke theksuar se Ukraina është e gatshme ta bëjë këtë.(A2Televizion)
