Deputeti i LSDM-së, Oliver Spasovski ka paralajmëruar sot se do të parashtrojë padi kundër kryeparlamentarit Afrim Gashi dhe deputetes Imërlije Salihut. Ai këtë e arsyetoi se duke mos e futur në rend dite Ligjin për “branitellat” në Komisionin për Punë Sociale kanë bërë shkelje të Rregullores së punës së Kuvendi.
“LSDM do të parashtrojë kallëzim penal për shkeljen e Rregullores së Kuvendit dhe të drejtave të deputetëve. Shumica parlamentare e udhëhequr nga VMRO-DPMNE dhe VLEN plotësisht e vendosin nën kontroll shtëpinë ligjvënëse dhe kryejnë sulm ndaj demokracisë në Kuvendin e Republikës së Maqedonisë së Veriut”, theksoi Spasovski.
