Festivali i parë për shëndetin e grave “Unë jam…” do të mbahet sot në parkun pyjor Gazi Babë dhe atë e realizon Shoqata e qytetarëve Të rinjtë munden.
“Qëllimi ynë parësor është të inkurajojmë vajzat dhe gratë e reja (15-29 vjeç) që të marrin përgjegjësinë për shëndetin e tyre fizik dhe mendor përmes zgjedhjeve të informuara dhe praktikave holistike të jetesës”, thonë organizatorët.
Ata shtojnë se ngjarja do të ketë sesione pjesëmarrëse dhe interaktive të dizajnuara për të trajtuar aspekte të ndryshme të shëndetit dhe fuqizimit të grave. Agjenda e ngjarjes, thonë ata, do të ofrojë
një sërë përmbajtjesh të fokusuara dhe të bazuara në nevojat e grave dhe vajzave, në drejtim të ndërgjegjësimit të tyre.
Ata shtojnë se në kuadër të ngjarjes do të ketë edhe një zonë fitnesi që do të ofrojë një terren trajnimi konkurrues, seanca joga në natyrë, seminare për aftësitë bazë të vetëmbrojtjes, një zonë për fëmijë, e cila do të ofrojë seminare për promovimin e zakoneve të shëndetshme te fëmijët dhe një teren për zhvillimin motorik te fëmijët.
Si aktivitete qendrore ngjarjes janë parashikuar edhe një garë rekreative me prindër dhe fëmijë, të cilës i paraprihet një ngrohje dhe stërvitje në grup, si dhe një performancë stand-up për rolin e gruas
në komunitetin tonë.
