Futsal Club Forca nga Kumanova po e mbyll sezonin me 2 trofe, duke siguruar pas kampionatit edhe Kupën e Maqedonisë. Në finalen ndaj Osogovës nga Kriva Palanka, klubi kumanovar fitoi me shifrat 5-4.
Mbrëmë në sallën sportive në Radovish, shënues të golave për ekipin fitues ishin Leveski (2) dhe nga një Zekiri, Ismaili dhe Jonuzi.
Ristovski dhe Stanojkovski shënuan nga dy gola për ekipin e Osogovës.
Në këtë mënyrë klubi nga Kumanova i përsëriti sukseset e vitit të kaluar kur kishte fituar kampionatin dhe kupën. Ditë më parë, Forca fitoi edhe titullin kampion, disa javë para përfundimit të sezonit.
Forca edhe sivjet do ta prezantojë futsallin e Maqedonisë në eliminatorët e Ligës së kampionëve në futsal, e ku me gjasë do të marrë përsipër edhe organizimin e këtij eventi të madh sportive, që pritet të zhvillohet në Kumanovë.
