Lideri i VMRO-së Hristijan Mickoski, sot në një tubim në Sopishtë në kuadër të fushatës zgjedhore për zgjedhjet e ardhshme lokale, iu referua temës për drejtësinë në vend, dhe theksoi sistemin gjyqësor, i cili, sipas tij, duhet të jetë i paanshëm, të ketë gjyqtarë që gjykojnë sipas ligjit dhe procedura që do të rikthejnë besimin.
Mickoski në fjalimin e tij shtoi se drejtësia nuk duhet të jetë privilegj i pak njerëzve, si dhe se ka frenaqë janë të integruara në institucionet e shtetit dhe funksionojnë si një shtet i thellë brenda shtetit.
“Më kanë pyetur shumë në periudhën e kaluar pse dhe si nuk po bëjmë reforma në gjyqësor, reforma në prokurori. Kjo është diçka që është e dhimbshme për të gjithë ne, sepse si gjyqësori ashtu edhe prokuroria janë segmente që ende përfaqësojnë bastionet e fundit në mbrojtje të qeverisë së mëparshme. Nëse dikush më pyet pse, sepse instalimet atje, pavarësisht dhjetëra, do të thoja më shumë se njëqind raporteve që vijnë nga institucionet kompetente, të mbështetura me prova, nuk i përpunojnë, por i mbajnë në një sirtar. Por pas këtyre zgjedhjeve lokale, do të kthehemi edhe në atë temë”, tha Mickoski.
Ai theksoi se është koha për të resetuar sistemin, në mënyrë që të ndërtohet një shtet drejtësie, dhe në të njëjtin shtet drejtësie, sistemi gjyqësor duhet të jetë i paanshëm dhe i palëkundur. Siç tha ai, sistemi shëndetësor do të jetë një shtyllë e shtetit, me ilaçe të përballueshme, spitale moderne dhe staf profesional.
