Kryeministri izraelit Benjamin Netanjahu dënoi mbrëmë njohjen e shtetit palestinez nga disa udhëheqës perëndimorë, duke e quajtur atë një “dorëzim të turpshëm ndaj terrorizmit”.
“Njohja e shtetit palestinez nga disa udhëheqës nuk do ta detyrojë Izraelin në asnjë mënyrë. Një shtet palestinez nuk do të krijohet”, citohet në kumtesën e kabinetit të kryeministrit izraelit në platformën X.
Netanjahu do të takohet me shumë udhëheqës botërorë në Nju Jork, përfshirë presidentin e SHBA-së Donald Tramp.
“Tajms of Izrael” raportoi se qindra demonstrues u mblodhën në aeroportin “Ben Gurion” për të protestuar kundër Netanjahut përpara fluturimit të tij për në Nju Jork për Asamblenë e Përgjithshme të Kombeve të Bashkuara. Ata kërkuan një marrëveshje për kthimin e pengjeve në shtëpi, duke valëvitur flamuj izraelitë dhe banderola të verdha.
