Presidenti rus Vladimir Putin filloi sot e filloi vizitën tre-ditore në Taxhikistan, ku do të takohet edhe me liderët e ish-republikave sovjetike.
Për Rusinë, lidhjet me ish-republikat sovjetike të Azisë Qendrore janë me rëndësi të madhe pas sanksioneve perëndimore për shkak të luftës në Ukrainë.
Është planifikuar Putini të takohet me presidentin e Taxhikistanit, Emomali Rahmon, dhe më pas të marrë pjesë në Samitin Rusi dhe vendet e Azisë Qendrore (Kazakistani, Kirgistani, Turkmenistani dhe Uzbekistani). Më 10 tetor, liderët e Azerbajxhanit, Armenisë dhe Bjellorusisë do t’i bashkohen takimit të Bashkësisë së shteteve të pavarura.
Edhe pse Taxhikistani është anëtar i Gjykatës Ndërkombëtare Penale (GJNP), e cila lëshoi një urdhër arresti për Putinin në vitin 2023 për krime lufte të dyshuara në lidhje me veprimet e Rusisë në Ukrainë, presidenti rus nuk është në rrezik të ndalohet. Vendi mbështetet shumë në mbështetjen politike, ekonomike dhe ushtarake nga Moska.
Shtatorin e kaluar, Putini bëri një vizitë zyrtare në Mongoli, një tjetër shtet anëtar i GJNP-së, i cili gjithashtu ka injoruar thirrjet për arrestimin e tij
