Shkup, 27 prill – Analisti Sefer Selimi ka reaguar me tone kritike ndaj komunikatës së ministrit të Jashtëm të Shqipërisë, Ferit Hoxha, pas takimit me një nga liderët e VLEN, Izet Mexhiti, duke e cilësuar zhvillimin si tërheqje politike të VLEN-it pas, sipas tij, tri ditësh akuzash dhe moralizimesh kundër Tiranës zyrtare.
Në një status publik, Selimi ironizoi epilogun e takimit, duke thënë se pas “gjunjëzimit te ofenduesi i shqiptarëve të Maqedonisë së Veriut”, VLEN është larguar me mesazhin “rrini rahat”, duke aluduar se retorika e ashpër e ditëve të fundit përfundoi me pajtim politik
Statusi i plotë i Sefer Selimit:
Pas gjunjëzimit tek “ofenduesi” i shqiptarëve të Maqedonisë së Veriut, u larguan me një “rrini rahat”.
Pas tri ditësh akuza dhe moralizime kundër Tiranës zyrtare, kështu duket gjunjëzimi i VLEN-it.
Por prapë më mirë vonë se kurrë.
Presim kërkim-faljen publike nga Besar Durmishi.
