Që nga ora 7 e mëngjeist janë hapur të gjitha votimet dhe deri më tani nuk ka pasur ndonjë parregullsi serioze.
Kryetari i KQZ-së, Kreshnik Radoniqi, deklaroi se nuk është raportuar për ndonjë parregullsi që mund të rrezikonte votimin ose mbarëvajtjen e procesit zgjedhor.
Ne lidhje me refuzimin e akreditimeve për disa medie (RTS dhe Tnjug), anëtari i KQZ Sami Kurteshi ka saktësuar se kjo gjë është bërë për shkak se në kërkesat e tyre ka pasur parregullsi dhe në disa raste kërkesat nuk njihnin shtetin e Kosovës.
Sipas të dhënave preliminare të përpunuara nga rreth 94% e vendvotimeve, deri në orën 11:00 kanë votuar 158,691 qytetarë, apo 7.84% e numrit të përgjithshëm të votuesve, që është 2,025,105.
Krerët e shtetit, presidentja Osmani, kryeminitsri Kurti kanë hedhur votën e tyre në Prishtinë.
“Sot është një ditë shumë e rëndësishme, votojmë për të vendosur për katër vitet e ardhshme”, tha kryeministri Kurti. Aii i ka bërë thirrje qytetarëve që të dalin të votojnë.
Rreth 27 mjë të rinj votojnë për herë të parë në Kosovë.Përditësohen të dhënat: 7.7% e qytetarëve kanë votuar deri tash, këto janë përqindjet për secilën komunë.
Komisioni Qendror i Zgjedhjeve ka përditësuar të dhënat mbi pjesëmarrjen në votime në zgjedhjet që po mbahen në 38 komuna për kryetarë dhe asamblistë.
Deri në ora 11:00, 7.7 për qind e qytetarëve me të drejtë vote kanë votuar nëpër komunat përkatëse.
Me përqindje prijnë Mamusha, Zveçani e Ranillugu.
