Ish-presidenti amerikan Donald Trump ka fituar paraprakisht në zgjedhjet e ardhshme presidenciale në Shtetet e Bashkuara, tha sot ish-Presidenti i Rusisë, Dmitry Medvedev pas atentatit të kryer ndaj tij.
“Ai sigurisht ka fituar. Vetëm nëse nuk i bëhet atentat sërish”, shkroi Medvedev në llogarinë e tij në rrjetin social X dhe bashkëngjiti një foto të Trump kur u arrestua zyrtarisht në gusht 2023.
Dje Trump i mbijetoi një atentati gjatë tubimit të fushatës së tij në Pensilvani. Të shtënat lanë një person të vrarë dhe dy të plagosur. Agresori u vra nga oficerët e Shërbimit Sekret Amerikan, i cili është përgjegjës, në veçanti, për mbrojtjen e zyrtarëve të lartë të shtetit.
