Trump kërcënon të padisë ABC për rikthimin e Jimmy Kimmel: Lëreni të kalbet në vlerësimet e tij të këqija

Pastaj ai vazhdoi: “Pse do të donin të ktheheshin te dikush që është kaq i keq në atë që bën, që nuk është qesharak dhe që e vë rrjetin në rrezik duke u sjellë si 99 përqind plehra demokrate pozitive? Ai është një tjetër krah i Komitetit Kombëtar Demokrat dhe, për aq sa di unë, kjo do të ishte një kontribut i madh i paligjshëm i fushatës. Mendoj se do ta testojmë ABC-në për këtë. Le të shohim si do të veprojmë. Herën e fundit që i sulmova, më dhanë 16 milionë dollarë. Kjo tingëllon edhe më fitimprurëse. Një bandë humbësish! Le të kalbet Jimmy Kimmel në vlerësimet e tij të këqija”.

Si kujtesë, shfaqja që Kimmel ka drejtuar që nga viti 2003 u anulua nga rrjeti televiziv ABC i Disney-t disa orë para transmetimit më 17 shtator, pas komenteve që komediani bëri në shfaqje më herët atë javë në lidhje me të shtënat fatale të Charlie Kirk.

Jimmy Kimmel heshtte në ditët që pasuan, ndërsa Hollywoodi ngriti zërin në favor të tij.

Në fund, për shkak të presionit publik, ata vendosën ta vazhdonin transmetimin e emisionit.