Xavi Simons është ende në treg dhe RB Leipzig synon ta shesë për një shumë sa më të lartë. Klubi gjerman kërkon të përfitojë maksimalisht nga transferimi i yllit të tij.
Edhe pse thashethemet për të janë qetësuar kohët e fundit, largimi i Simons mbetet një opsion real. Vëllai i tij dhe njëkohësisht agjenti, Faustino Simons, po zhvillon bisedime me disa klube të interesuara.
RB Leipzig ka vendosur një çmim prej të paktën 70 milionë eurosh për kartonin e Simons, me shpresën për të siguruar një fitim të konsiderueshëm.
Kujtojmë se vetëm në janar, Leipzig pagoi 50 milionë euro te Paris Saint-Germain për ta transferuar përfundimisht 22-vjeçarin holandez.
Sezonin e kaluar, Xavi Simons ishte ndër më të mirët në skuadër, me 19 kontribute në gola në 33 ndeshje, duke rritur ndjeshëm vlerën e tij në treg.
