Ruben Amorim nuk i pranoi kritikët e tij pas fitores 2-1 të Manchester United kundër Chelsea të shtunën. Presioni ishte shtuar mbi trajnerin portugez pas humbjes ndaj Manchester City fundjavën e kaluar, por United u përgjigj me një fitore të madhe në Old Trafford.
Duke folur për Sky Sports, trajneri Amorim tha: “Njerëzit nuk kanë shumë gjëra të mira për të thënë për ekipin tonë dhe rezultatet tona. E kuptoj këtë, thjesht po bëj shaka gjatë gjithë kohës. Nuk kam asgjë për t’u thënë kritikëve; ata kanë të drejtë shumicën e kohës. Por ne fituam, dhe kjo është një gjë e mirë për ne”.
“Tifozët tanë na ndihmuan shumë në çdo moment të pjesës së dytë. Jemi në momentin që duam kaq shumë të fitojmë, kështu që kthehemi pak prapa në mbrojtje. Por e meritonim fitoren, është vetëm një fitore. Dhe duhet të mendojmë për të radhës”, tha Amorim.
“Është me të vërtetë e rëndësishme sepse e kuptoj mjedisin përreth ekipit dhe trajnerit. Kjo ndeshje ishte me të vërtetë e rëndësishme për këtë“, tha portugezi.
