Dëmtimi i Gleison Bremer e ka vënë Juventus në telashe serioze. Pasi iu desh të bënte pa qendërmbrojtësin brazilian për të gjithë sezonin e kaluar, bardhezinjtë e gjejnë veten përsëri pa lojtarin e tyre kryesor mbrojtës.
Kohët e rikuperimit janë më të shkurtra se vitin e kaluar, ndaj te Juventus kanë vendosur të lëvizin në janar, duke synuar Milan Skriniar. Sipas “La Gazzetta dello Sport”, lojtari i Fenerbahce është zgjedhja perfekte, duke pasur parasysh përpjekjet e kaluara për ta sjellë atë në Torino.
Sllovaku ka deklaruar vazhdimisht se është i lumtur në Turqi, por largimi i José Mourinho mund të tendosë marrëdhënien e tij me klubin e Stambollit. Kjo është arsyeja pse Juventus do të përpiqet ta rrëmbejë atë ne merkaton e janarit.
Alternativa do të ishte Kim nga Bayern Munich, por statusi i tij si lojtar jo-BE rëndon shumë mbi të, ashtu si edhe fakti që Juventus do të donte ta mbushte vendin me një lojtar tjetër, një nga të preferuarit e Igor Tudor, si Nahuel Molina.
Flitet për negociata që kanë filluar me Atlético Madrid këtë verë, të cilat nuk u materializuan kurrë, por tani situata mund të ndryshojë. Trajneri kroat dëshiron një mbrojtës të krahut dhe argjentinasi është kandidati ideal, kështu që marrëveshja mund të finalizohet që në janar.
