Kombëtarja shqiptare e futbollit ka mësuar emrat e atyre që do të jenë kundërshtarët më të mundshëm të saj në Ligën C në Ligën e Kombeve, ku përfundoi pas edicionit tërësisht zhgënjyes.
Ndeshjet e play-off dekretuan që në këtë Ligë do të jenë protagoniste në edicionin e ardhshëm skuadrat e Sllovakisë, Islandës, Bullgarisë dhe Armenisë, ku duhet theksuar se islandezët u mposhtën nga Kosova. Kësisoj, u shmang përplasja e mundshme me “Dardanët”, të cilët tashmë janë pjesë e Ligës B, një hap më lart se Shqipëria.
Ndeshjet play-off që do të përcaktojnë dy emrat e fundit në vazon e katërt, do të zhvillohen në marsin e vitit të ardhshëm. Fitorja në Ligën C në këtë turne, të çon në play-off për pjesëmarrjen në Euro 2030.
LIGA E KOMBEVE
VAZO 1
Shqipëri, Mali i Zi, Kazakistan, Finlandë
VAZO 2
Sllovaki, Islandë, Bullgari, Armeni
VAZO 3
Qipro, Bjellorusi, Ishujt Faroe, Estoni
VAZO 4
San Marino, Moldavi, Gjibraltar ose Letoni, Maltë ose Luksemburg
