Një moment historik në mjekësinë botërore! Një 38-vjeçar italian, që kishte humbur thuajse plotësisht shikimin nga një sëmundje e rrallë gjenetike, ka rifituar të parit falë një terapie gjenetike eksperimentale.
Për herë të parë, një trajtim me dy vektorë gjenetikë është provuar klinikisht i suksesshëm në rikthimin e shikimit.
Trajtimi u krye në Klinikën e Oftalmologjisë të Universitetit të Kampanjës “Luigi Vanvitelli” në bashkëpunim me Institutin TIGEM – duke e kthyer Napolin në një qendër të re shprese për të prekurit nga sëmundjet trashëguese të syve.
