Janë ditë të vështira këto për futbollistin kolimbian Luis Diaz, që është ende duke përjetuar tragjedinë e rrëmbimit të babait të tij. Bashkë me të ishte rrëmbyer edhe e ëma, por ajo është liruar.
Mbrëmë, sulmuesi i Liverpool realizoi golin e barazimit për skuadrën e tij (1-1 ndaj Luton në minutën e 95-të). Pas realizimit të golit ai ngriti lart fanellën e “reds”, për të nxjerrë një bluzë, ku kishte shkruar: “Liri për babanë”.
Një apel ku për rrëmbyesit e babait të tij: “Tani nuk flas më si futbollist, por si Lucho Diaz, djali i Luis Manuel Diaz. Babai im, një punëtor i madh, idhulli e shtylla e familjes, është rrëmbyer. Kërkoj që të lirohet sa më shpejt të jetë e mundur”.
“Kërkoj edhe ndërhyrjen e institucioneve që të garantohet liria e tij. Çdo sekondë që kalon jemi më të shqetësuar për jetën e tij. Nuk kam fjalë për të përshkruar atë që po prëjeton familja ime. Ju lutem që ta lironi babanë tim tani. Ju faleminderit të gjithëve prë mbështetjen”, tha Luis Diaz.
