Xabi Alonso është kandidati i preferuar i Real Madridit, por ata gjithashtu janë të lidhur edhe me Andoni Iraolën, i cili ka bërë mrekulli që kur mori drejtimin e Bournemouth në Ligën Premier, ndërsa për të tash e një kohë interesohet edhe Tottenhami.
Pikërisht, ishte Tottenham që u interesua i pari për Iraolën, por nëse secili klub dëshiron ta emërojë atë si trajnerin e tyre të ardhshëm, ata do të duhet të paguajnë klauzolën e lirimit në kontratën e tij me Bournemouth.
Sipas The Athletic, kjo shifër qëndron në 10 milionë funte (12 milionë euro). Tottenham, i cili mund të kërkojë të shkarkojë trajnerin Ange Postecoglou në javët e ardhshme, do të kishte pak problem në pagesën e kësaj shume, dhe as Real Madridi.
Sidoqoftë, Los Blancos ka të ngjarë të prisnin deri në vitin 2026 nëse do të tentonin për Iraolën, duke pasur parasysh që kontrata e tij me Bournemouth skadon në të njëjtën kohë me Carlo Ancelottin. Nuk ka asnjë nxitim në Real Madrid për t’u ndarë me Ancelottin, i cili ka mbështetjen e plotë të bordit të drejtorëve të klubit.
