Pas më shumë se një dekade Meta po zhvillon një version të dedikuar të Instagram për iPad. Deri tani, përdoruesit e iPad janë detyruar të përdorin versionin e zmadhuar të aplikacionit për iPhone, një zgjidhje që nuk përfiton nga potenciali i ekranit të madh.
Arsyeja pas këtij ndryshimi, sipas The Information, mund të lidhet me pasiguritë ligjore që po përballet TikTok në SHBA, përfshirë presionet për shitje dhe taksat e mundshme. Kjo situatë mund të ketë nxitur Metën të shfrytëzojë hapësira të reja për rritje.
Prej vitesh, drejtuesit e Instagram, përfshirë Adam Mosseri, kanë pohuar se mungesa e një versioni për iPad lidhej me prioritetet dhe burimet e kufizuara.
Por kërkesat e vazhdueshme nga përdoruesit dhe përmirësimet në përvojën e përdorimit përmes Stage Manager dhe versionit web, e kanë bërë gjithnjë e më të dukshme nevojën për një aplikacion të posaçëm. Meta ende nuk ka dhënë një datë zyrtare për publikimin e këtij aplikacioni.
