Në SPB Manastir dje janë marrë dy denoncime për një rast të njëjtë prej dy pjesëmarrësve në incident të cilat kanë pasur versione të ndryshme për ngjarjen. Njëri prej tyre është 42 vjeçari nga Manastiri V.B – polic i punësuar në SPB Manastir, ndërsa tjetri është bashkëqytetar i tij 47-të vjeçari D.S. Akuza e parë është nga V.B i cili dje në orën 13:30 në SPB Manastir ka denoncuar se një orë më parë, në orën 12:30, derisa ka qenë në orarin e punës, me bashkëshorten e tij M.B kanë qarkulluar me automjetin “citroen” në rrugën “Pece Matoçevski” dhe janë ndaluar nga një automjet “Daçia daster” në të cilën ka qenë D.S. Sipas V.D, D.S ka ndalur automjetin në vendkalimin për këmbësorë para automjetit të V.B, ka dalë dhe është nisur drejt tij dhe me zë të lartë e ka sharë dhe e kërcënuar me jetë.
Pas disa orëve, në orën 17, D.S ka ardhur në SPB Manastir dhe ka denoncuar se ditën e njëjtë rreth orës 12:15 ka qarkulluar me automjetin e tij “daçia” ndërsa kur ka arritur në vendkalimin për këmbësor para hotelit në Manastirit është ndalur t’i lëshojë këmbësorët. Në atë moment. sipas denoncimit të tij, ka kaluar një shofer me “citoren” dhe ka filluar të fishkëllojë pas tij ta shajë, pas çka ka dal nga automjeti e ka hapur derën e “daçias”, e ka nxjerrë D.S nga automjeti dhe ka nxjerrë armën, e ka tërhequr këmbëzën dhe ja ka vendosur në kokë me kërcënim se do ta vras. SPB Manastir ndërmerr masa për zbardhje të tërësishme të rastit.