Chelsea barazoi 2-2 ndaj Burnley duke humbur mundësinë për të marrë përkohësisht vendin e tretë në renditje. Një lajm i mirë ishte goli i Gonzalo Higuain. Pavarësisht se argjentinasi realizoi një gol tejet të bukur, nuk vlejti sepse miqtë e zhvlerësuan pas 10 minutash. Ndërkohë në minutë e 77-të Mauricio Sarri vendosi ta ulë në stol Higuainin dhe në vend të tij zbriti Oliver Giroud. Kjo nuk i ka pëlqyer ish-sulmuesit të Milanit, që edhe pse ka një marrëdhënie të fortë me trajnerin Sarri, nuk ka nguruar të tregojë nervat e tij sapo është ulur në stol, duke hedhur tutje një fanellë dhe përplasi fort për toke një shishe.