Shkup, 13 gusht – Vërejtjet në lidhje me korrupsionin janë meritë e qeverisjes kriminele të VMRO-DPMNE-së e cila kontribuoi që korrupsioni të përhapet deri në përmasa të papara.
Njëmbëdhjetë vite të tëra krimi i regjimit ishte tërësisht nën mbrojtje të institucioneve të sistemit. Që të mbulohet krimi dhe korrupsioni VMRO-DPMNE e partizoi madje edhe Komisionin për pengim të korrupsionit.
Qytetarët dëgjuan nga bombat politike se si Gruevski dhe Janakieski dakordojnë provizione milionëshe vetëm për një rrugë.
Firmat e Belize dhe skemat e parajsës për pompimin e parave të qytetarëve dhe pasurimi i familjeve ishte sinonim për krimin dhe korrupsionin 11 vite të tëra.
Kthimi i të drejtës dhe shtetit juridik dhe lufta joselektuese kundër krimit dhe korrupsionit janë imperativ për LSDM-në dhe Qeveria vepron sipas të gjitha rekomandimeve në kompetencë të saj që ato të implementohen.
Rekomandimet e GREKO-s janë të vjetra më shumë se katër vite. Vetëm për një vit kjo Qeveri zbatoi tre rekomandime. Për dallim nga sjellja e pushtetit paraprak, e cila ishte faktor i gjendjeve korruptuese dhe e cila për një periudhë prej katër viteve të tëra (2013-2016) ka zbatuar vetëm tre rekomandime në nivel të të gjitha institucioneve në shtet.
Në mënyrë intensive punohet në rekomandimet e GREKO-s, një pjesë e atyre rekomandimeve që janë në kompetencë të Qeverisë janë realizuar, një pjesë janë në fazë realizimi dhe do të implementohen siç është potencuar.