Atletico Madrid ka marrë një barazim në shtëpi 1-1 ndaj Valencias. Por përveç dështimit të shënojnë fitore, skuadra e Diego Simeones ka mbetur edhe pa yllin kryesor, Joao Felix, njofton Telegrafi, përcjellë gazeta Koha. Sulmuesi i talentuar portugez pësoi një lëndim dhe u detyrua të largohet nga fusha në minutën e 80-të. Marca ka raportuar se lëndimi i Felix është më i rëndë se sa shihej në shikim të parë.
19-vjeçari do të mbetet jashtë fushave më shumë se një muaj dhe pritet t’i humbas gjashtë ndeshje me fanellën e Atletico Madridit. Besohet se rikthimi i talentit të madh portugez do të jetë në ndeshjen ndaj Juventusit në Ligën e Kampionëve.