Shkup, 4 tetor – Tërë procedurën e referendumit e konsiderojmë të falsifikuar dhe ne nuk e njohim rezultatin. Ne do të donim t’i dërgonim një mesazh qeverisë për të ndaluar përpjekjet për të kërcënuar dhe larguar nga vendet e punës ata që nuk votuan. Sipas kësaj, Komiteti Ekzekutiv arriti në përfundimin se Marrëveshja e Prespës është e vdekur politikisht, tha nënkryetari i VMRO-DPMNE-së, Aleksandar Nikolovski, pas përfundimit disa orësh të mbledhjes së Komitetit Ekzekutiv, ndërsa temë e vetme ishte referendumi i së dielës, shkruan gazeta KOHA.
Ai tha se Komiteti i pranoi propozimet e kryetarit Hristijan Miskoski dhe mori tre vendime: të ngrinte një Komision hetimor të përbërë nga deputetë për të hetuar të gjitha parregullsitë në ditën e referendumit dhe pastaj për ta përpunuar atë. “VMRO-DPMNE kërkon edhe shkarkimin e Prokurorit Publik që i mbyllë sytë para krimit të dukshëm të zyrtarëve qeveritar dhe kërkon zgjedhjen e një prokurori të ri me propozim të opozitës”, tha Nikolovski.
“Nëse Zaevi ka ndërmend të thërrasë zgjedhje të parakoshme, ne do ta fitojmë atë. Kërkojmë që qeveria teknike të formohet 100 para zgjedhjeve. Komiteti Ekzekutiv sonte vendosi të themelojë edhe Shtabin Zgjedhor të Republikës dhe Shtabin zgjedhor të qytetit me kryetar Igor Janushev dhe Vlado Misajlovski”, informoi Nikolovski.
I pyetur nëse kishte ndarje në Komitet lidhur me referendumin, Nikolovski tha se grupi parlamentar është më shumë se kurrë i bashkuar. Për zgjedhjet, ai tha se e gjithë beteja që po bënte VMRO ishte për të ruajtur emrin kushtetues të shtetit dhe se Zaevi më vonë ose më herët do të largohet nga qeveria. (koha.mk)