Gazetari i njohur amerikan i “New York Times”, James Montague ka vizituar në burg Ismail Morinën i cili kohët e fundit po përflitet për një ekstradim të mundshëm nga Kroacia drejt Serbisë.
“Ismaili ishte ndryshe nga dy vite më parë. Ai ndihet i frikësuar për ekstradimin në Serbi pasi jeta e tij do të ishte në rrezik”, rrëfeu ai.
Në 11 gusht, një gjykatë e Apelit në Kroaci do të marrë në shqyrtim kërkesën e palës mbrojtëse që kundërshton vendimin e gjykatës së parë atje, për ekstradimin e Morinës në Serbi.
Morina u arrestua në Kroaci pasi ishte shpallur në kërkim nga autoritet serbe, si i dyshuari për ngritjen e dronit mbi stadiumin e Beogradit në tetor 2014 (gjatë ndeshjes Serbi – Shqipëri), me flamurin e “Shqipërisë së Madhe”.