Mbetjet e kalbura te një krijese misterioze deti janë shfaqur në bregdetin indonezian. Ajo është rreth 15 metra e gjatë, e disa metra e gjerë dhe u zbulua nga një banor i zonës Asrul Tuanakota në bregun verior të Seram Island në provincën Maluku, raporton Globe Jakarta. Zoti Tuanakota, 37 vjeç, fillimisht mendoi se krijesa e madhe e detit ishte një barkë e mbytur, kur e gjeti atë mbrëmjen e së martës së kaluar. Që prej asaj dite, banorët kanë shkuar në det për të parë krijesën gjigande që është fryrë dhe zbehur prej ujit. Banorët e hutuar kanë spekuluar se krijesa mund të jetë një kallamar gjigand ose mund të jenë eshtrat e një balene të ngordhur. Rezidentët iu kanë kërkuar autoriteteve që të lëvizin mbetjet e kalbura të krijesës misterioze. Në fillim të këtij vitit, një përbindësh misterioz më flokë, u gjet në një plazh në Filipine. Ajo habiti banorët e zonës, të cilët spekuluan se krijesa prej dy tonësh, ishte një lloj gjigandi e pazbuluar më parë. Më vonë ekspertët thanë se bëhej fjalë për një balenë, por që kishte marrë pamje të çuditshme për shkak të dekompozimit.
Gjendet një krijesë misterioze deti, 15 metra e gjatë (FOTO)
Leave a comment