Kryetari i Lëvizjes BESA, Billall Kasami i shoqëruar nga nënkryetari Kastriot Rexhepi, priti ambasadorin e OSBE-së Klemens Koja, i shoqëruar nga shefi i sektorit politik, Xhef Bielej.
Në takim u diskutua për situatën aktuale politike në vend dhe zgjedhjet e parakohshme parlamentare, për ndryshimin e sistemit zgjedhor dhe për sistemin e drejtësisë në vend.
Kryetari Kasami shprehi gatishmërinë e tij dhe të Lëvizjes BESA që do të kontribuojnë për mbarëvajtjen e zgjedhjeve në mënyrë të rregullt, fer dhe demokratike. Gjithashtu, kryetari Kasami ripërsëriti qëndrimin se Lëvizja BESA do të vazhdojë t’i përkrah reformat që janë në të mirën e vendit.
Takime të tilla konsultative, palët u dakorduan të realizojnë edhe ne të ardhmen.