Liga elitare spanjolle, La Liga, është bërë një garë shumë e vështirë në ditët e sotme, sipas mbrojtësit të Real Madridit, Marcelo, skuadra e të cilit e humbi udhëheqësinë pas humbjes tronditëse kundër Real Mallorca. Real Madridi u mund 1:0 nga Mallorca të dielën dhe tani ngel një pikë prapa liderit dhe rivalit të përjetshëm, Barcelonës, transmeton Gazeta Express, përcjellë gazeta Koha. Marcelo u rikthye në këtë ndeshje nga lëndimi dhe tha se pa gjëra pozitive në paraqitjen e Madridit.
“Humbëm, po duhet ta vazhdojmë përpara”, tha Marcelo pas ndeshjes. “Na dhemb sepse luajtëm mirë. Duhet të luajmë mirë deri në fishkëllimën e fundit. I kemi fituar disa ndeshje edhe pse na mungonte diçka”, shtoi ai. “Po bëjmë gjithçka që është e mundur për ta fituar La Ligën, por është shumë e vështirë në këtë kohë”, theksoi ai. (koha.mk)