Tiranë, 3 gusht – Shqipëria ndodhet në gjendje kritike për shkak të zjarreve me përmasa të mëdha, të cilët po tërbojnë në territorin e saj. Sipas Ministrisë së Punëve të Jashtme, ministri Ditmir Bushati ka kontaktuar me kolegun e tij grek, prej të cilit ka kërkuar të dërgojnë aeroplanë për shuarjen e zjarrit. Ishte premtuar se dy aeroplanë nga ishulli Korfuz do të fluturojnë për t’iu ndihmuar zjarrfikësve shqiptarë. Bushati ka kërkuar ndihmë edhe nga kolegu italian, Angelino Alfano, i cili gjithashtu ka premtuar se gjatë ditës drejt Shqipërisë do të fluturojnë aeroplanë për shuarjen e zjarreve. Edhe paraprakisht, për shkak të numrit të madh të zjarreve Shqipëria kërkoi ndihmë nga Greqia dhe NATO-ja. për momentin, aktivë janë së paku 15 zjarre të mëdha.